5 Followers
1 Following
ibrahemz

ibrahemz

السما غية حمام

السما غية حمام - أحمد عبد الحى أحمد عبد الحي يكرِّس لنفسه .. ومنذ ديوانه الأول .. كواحد من شعراء العامية الثوَّار :)
.
استمتعت بقصائد الديوان من قبل مفردةً .. وأعجبتني أكثر مجتمعة ..
.
مين اللي قال إن التاريخ سالف؟
مين اللي قال إن الزمن بيمر؟
لسه النبي راجع من الطايف
دمه الزكي..
من كعب رجله يشر
لسه الشرف في غربته طايف
لسه البشر متونسين بالكفر
.
.
.
القاهرة..
مش كل يوم هتجيب ولد
في عنيه آيات الحق
وف صوته الجرس
مش كل يوم هتجيب ولد
لسه اعتزازها ف ضحكته
وبيكره العسكر

القاهرة
بيموت لها الليلة بهدوء
ثاير وشيخ أزهر
سقطت معاه القاهرة
ناسية الغنا والمحن
من غير ملامح ظاهرة
مقلوع جدورها ف الزمن
سقطت معاهم ضحكتي
سكتت معاهم غنوتي
وخانتني فكرة عن الوطن

لكني لسه بلمحك بالتوب
باسم..


ونورك فارش الأراضين

رغم اني راجع م الجنازة يادوب
ساكت..

وهايم في ميدان الأجر
واقف..والشعرا واقفين كلهم
متجمعين بالقلم ع السطر
بيسجلو المشهد تنهيدة..تنهيدة
وبيهتفوا
وبينكروا الغنوة البليدة
بيجهزوا ف الليل قصيدة
علشان هيسقط منهم..
شهيد الفجر
.
شكرًا أحمد